ئەم بابەتە لە فەیسبووک یان توویتەر شێر بکەن

له‌سه‌ر وتارێك دۆسیه‌یه‌كی تایبه‌ت به‌ دادگاییكردنی مه‌لا مه‌زهه‌ر ده‌كرێته‌وه‌

Write e-mail Print PDF

دوای بڵاوبوونه‌وه‌ی وتارێكی ڤیدۆیی مه‌لامه‌زهه‌ر، فیدراسیۆنی رێكخراوه‌ ناحكومییه‌كان له‌ به‌یاننامه‌یه‌كدا رایده‌گه‌یه‌نێت كه‌ هه‌ڵده‌ستن به‌ دروستكردنی كه‌مپینێك بۆ ڕای گشتی و كردنه‌وه‌ی دۆسیه‌یه‌كی تایبه‌ت به‌دادگاییكردنی مه‌لا مه‌زهه‌ر.

له‌ به‌یاننامه‌یه‌كدا كه‌ وێنه‌یه‌كی ده‌ست خه‌ندان كه‌وتووه‌، فیدراسیۆنی رێكخراوه‌ ناحكومییه‌كان رایده‌گه‌یه‌نێت: ماوه‌یه‌ به‌مه‌به‌ست و بێ مه‌به‌ست هه‌ندێك مه‌لا و وتاربێژی ئاینی به‌بێ ڕه‌چاوكردنی شعورو هه‌ستیان، بێڕێزی به‌رامبه‌ر به‌ پیرۆزییه‌كان و موقه‌دده‌ساتی خه‌ڵكی كوردستان ده‌كه‌ن، جارێك جه‌ژنی پیرۆزی نه‌ورۆز و جارێك بێ ئه‌خلاقكردن و بێ شه‌ره‌فكردنی رۆژنامه‌نووسان و چه‌ندان مه‌سه‌له‌ی تر كه‌ كاری مامۆستایانی ئاینی نییه‌ قسه‌ی له‌سه‌ر بكه‌ن.

ئاماژه‌ بۆ ئه‌وه‌شكراوه‌ "مه‌لامه‌ز هه‌رتاهیر له‌شاری هه‌ولێر له‌سه‌ر مینبه‌ر به‌بێ ڕه‌چاوكردنی هه‌ست و شعوری خه‌ڵك هه‌موو خه‌ڵكی كوردستان به‌ به‌رپرس و پارێزگاره‌كان و به‌ڕێوه‌به‌ری ناحیه‌ و پۆلیسه‌كانی‌ ئه‌م وڵاته‌ به‌ قوربانی ئیمامی عومه‌ر ده‌كات".

له‌ به‌یاننامه‌كه‌دا فیدراسیۆنی رێكخراوه‌ ناحكومیه‌كان داوا له‌وه‌زاره‌تی ئه‌وقاف ده‌كات وه‌ك هه‌میشه‌ بێده‌نگی هه‌ڵنه‌بژێرێ و داواكاری گشتیش وه‌ك ئه‌ركێكی ئه‌خلاقی و پیشه‌یی و نه‌ته‌وه‌یی له‌ئاست ئه‌م تاوانه‌ بێده‌نگ نه‌بێت و لێكۆڵینه‌وه‌ بكات له‌سه‌ر ئه‌م كه‌یسه‌ و رێكخراوه‌كانی تریش له‌سه‌رئه‌م بابه‌ته‌ بێنه‌قسه‌.

ده‌قی به‌یاننامه‌كه‌:
سه‌رۆكایه‌تی هه‌رێمی كوردستان
سه‌رۆكایه‌تی په‌رله‌مانی كوردستان
سه‌رۆكایه‌تی حكومه‌تی هه‌رێمی كوردستان
داواكاری گشتی
ڕای گشتی له‌كوردستان

ماوه‌یه‌ به‌مه‌به‌ست و بێ مه‌به‌ست هه‌ندێك مه‌لاو وتاربێژی ئاینی به‌بێ ڕه‌چاوكردنی شعورو هه‌ستیان بێڕێزی به‌رامبه‌ر به‌پیرۆزییه‌كان و موقه‌دده‌ساتی خه‌ڵكی كوردستان ئه‌كه‌ن، جارێك جه‌ژنی پیرۆزی نه‌ورۆزو جارێك بێ ئه‌خلاق كردن وبێ شه‌ره‌ف كردنی رۆژنامه‌نووسان و چه‌ندان مه‌سه‌له‌ی تر كه‌ كاری مامۆستایانی ئاینی نیه‌ قسه‌ی له‌سه‌ر بكه‌ن، له‌به‌رامبه‌ر ئه‌وه‌شدا نه‌ په‌رله‌مان و نه‌ حكومه‌ت و نه‌ داواكاری گشتی و هیچ لایه‌نێكی فه‌رمی بچوكترین هه‌ڵوێستی له‌وباره‌یه‌وه‌ نه‌نواند دوا وتاری ئیهانه‌ و بێحورمه‌تكردنی مرۆڤی كوردیش له‌لایه‌ن مه‌لامه‌ز هه‌رتاهیر ناوێك له‌شاری هه‌ولێره‌ كه‌ له‌سه‌رمینبه‌ر به‌بێ ڕه‌چاوكردنی هه‌ست و شعوری خه‌ڵك هه‌موو خه‌ڵكی كوردستان به‌ به‌رپرس و پارێزگاره‌كان و به‌ڕێوه‌به‌ری ناحیه‌و پۆلیسه‌كانی ئه‌م ووڵاته‌ به‌ قوربانی ئیمامی عومه‌ر ده‌كات.

له‌كاتیكدا ئێمه‌ له‌م مانگه‌دا یادی كۆمه‌ڵێك كاره‌ساتی ناخۆش و جینۆسایدی گه‌له‌كه‌مان ده‌كه‌ینه‌وه‌ و ئه‌م كه‌یسه‌ بۆته‌ كه‌یسێكی جیهانی و له‌ په‌رله‌مانی وڵاتان كار بۆ ناساندنی ده‌كرێت ئه‌م مه‌لایه‌ به‌بێ ره‌چاوكردنی هه‌ست و شعوری نه‌ته‌وه‌یه‌ك به‌وجۆره‌ یادی ئه‌و كاره‌ساتانه‌ ده‌كاته‌وه‌ ئه‌گه‌ر قسه‌كانی ئه‌ویش نموونه‌ بن، بۆ حوكمڕانییه‌كی دادپه‌روه‌ر ئه‌وه‌ هه‌موومان خه‌ونمان پێوه‌ بینیوه‌ و كارمان بۆی كردووه‌ و ئه‌مه‌ش نموونه‌یه‌كی زانستی نییه‌ بۆ قسه‌كردن له‌سه‌ر ئه‌و پرسه‌ و ئێمه‌ وه‌كو (فیدراسیۆنی سه‌رتاسه‌ری ڕێكخراوه‌كانی كۆمه‌ڵی مه‌ده‌نی) ئه‌م وتانه‌ی ناوبراو به‌مه‌به‌ست و بێ مه‌به‌ست به‌بێ نرخكردنی مرۆڤی كورد ئه‌زانین و به‌جۆریك له‌ بچوككردنه‌وه‌ی كه‌سایه‌تی تاكی كورد ئه‌زانین و هیوادارین چیتر لایه‌نه‌ په‌یوه‌ندیداره‌كان ڕێگا به‌و جۆره‌ له‌ته‌شهیر و بێ ڕێزیكردنه‌ی به‌هاكانی مرۆڤ له‌ كوردستان بگرن، له‌لایه‌ن هه‌ندێك مه‌لای ئاینی و داواكارین له‌ وه‌زاره‌تی ئه‌وقاف وه‌ك هه‌میشه‌ بێده‌نگی هه‌ڵنه‌بژێرێ و داواكاری گشتیش وه‌ك ئه‌ركێكی ئه‌خلاقی و پیشه‌یی و نه‌ته‌وه‌یی له‌ ئاست ئه‌م تاوانه‌ بێده‌نگ نه‌بێت و لێكۆڵینه‌وه‌ بكات له‌سه‌ر ئه‌م كه‌یسه‌ و رێكخراوه‌كانی تریش له‌سه‌ر ئه‌م بابه‌ته‌ بێنه‌قسه‌ و ئێمه‌ وه‌كو فیدراسیۆنه‌كه‌مان لێره‌وه‌ش رایده‌گه‌یه‌نین كه‌ هه‌ڵده‌ستین به‌ ڕاگه‌یاندنی كه‌مپینێك بۆ دروستكردنی ڕای گشتی له‌سه‌ر ئه‌م بابه‌ته‌ و كردنه‌وه‌ی دۆسیه‌یه‌كی تایبه‌ت به‌ دادگاییكردنی ئه‌م مه‌لایه‌ بۆیه‌ پێویستیمان به‌ پاڵپشتی هه‌موولایه‌كه‌.

فیدراسیۆنی سه‌رتاسه‌ری رێكحراوه‌كانی كۆمه‌ڵی مه‌ده‌نی

Add comment


Security code Refresh

لۆگۆکەت بنێرە

لۆگۆکەت بنێرە

لۆگۆکەت بنێرە

لۆگۆکەت بنێرە

لۆگۆکەت بنێرە